Directus
၂၀၂၃ ဒီဇင်ဘာတွင် မော်လ်ဒိုက်နိုင်ငံသည် ငါးတန်ချိန် စံချိန်တင် တင်ပို့နိုင်ခဲ့ပြီး တန်ကြေးအားဖြင့် မော်လ်ဒိုက်ငွေကြေး သန်း ၂၂၁ သန်း ရရှိသည်။ နိုင်ငံ၏ စီးပွားရေးသည် ခရီးသွားလုပ်ငန်းပေါ် မှီခိုနေရသော်လည်း ငါးလုပ်ငန်းသည်လည်း အရေးပါသော အခန်းကဏ္ဍမှ ပါဝင်နေပြီး ပြည်တွင်း စားသုံးမှုနှင့် ပြည်ပတင်ပို့မှုများမှတဆင့် ဂျီဒီပီကို ဖြည့်ဆည်းပေးနေသည်။
အစဉ်အလာအားဖြင့် မော်လ်ဒိုက်တံငါသည်များသည် ကွန်ပစ်ခြင်း၊ ပိုက်ထောင်ခြင်းများကဲ့သို့ သဘာဝပတ်
ဝန်းကျင်နှင့် ညီညွတ်သော ငါးဖမ်းနည်းလမ်းများကို အသုံးပြုကြသည်။ သို့ရာတွင် အစဉ်အလာ မော်လ်ဒိုက် Dhoni ငါးဖမ်းလှေများသုံးသော ထိုအစဉ်အလာ နည်းလမ်းမှာ ငါးများများစားစား ဖမ်းဆီးလိုသော လောဘကေကြာင့် ပိုက်တန်းသွယ် ငါးဖမ်းခြင်းနှင့် ပင်လယ်နက် ငါးဖမ်းခြင်းများကဲ့သို့ လုပ်ဆောင်ချက်များ တိုးများလာခဲ့သည်။ ငါးအရ များသော်လည်း ထို နည်းလမ်းများမှာ ရေပြင်အရင်းအမြစ်ကို လျော့ပါးစေလျက် ရှိနေသည်။
မကြာသေးသောနှစ်များအတွင်း အလွန်အကျွံ ငါးဖမ်းခြင်းနှင့် ရာသီဥတု ပြောင်းလဲခြင်းများကြောင့် မော်လ်ဒိုက်က ကျွန်းစုသန္တာကျောက်တန်းများနှင့် ရေပြင်ဇီဝစနစ်များ သိသိသာသာ ပျက်စီးလာခဲ့သည်။ ပြည်တွင်းပြည်ပ ပင်လယ်စာဝယ်လိုအား မြင့်တက်ခြင်းကြောင့် အစဉ်အလာ ငါးဖမ်းခြင်းများသာ ရနေခဲ့သော မော်လ်ဒိုက်တွင် Fish Aggregating Devices FADs ကဲ့သို့သော ခေတ်မီနည်းပညာများဖြင့် ငါးဖမ်းးခြင်းများပါ ရှိလာခဲ့သည်။
ပြည်တွင်းတံငါသည်များ ရေရှည်မြဲမည့် ငါးဖမ်းနည်းများကို သုံးရန် အစိုးရက စည်းမျဉ်းအချို့ ချမှတ်ထားသော်လည်း နိုင်ငံခြားငါးဖမ်းလှေများ တခါတရံ နိုင်ငံ၏ အထူးစီးပွားရေးဇုန်အတွင်း ငါးဖမ်းခြင်းများပင် ရှိနေသော တရားမဝင် ငါးဖမ်းမှုများကို အစစ်အဆေး မရှိဘဲ ရှိနေဆဲ ဖြစ်သည်။ ထို ပြည်ပစက်လှေများ ရှိနေခြင်းသည် မော်လ်ဒိုက်ရေပြင်အတွက် ရေရှည် စိုးရိမ်ပူပန်မှု ဖြစ်နေသည်။
အစဉ်အလာ ငါးဖမ်းခြင်းများကို မြှင့်တင်ရန် အစိုးရက စည်းမျဉ်းအချို့ ချမှတ် ကြိုးပမ်းသော်လည်း အထူးစီးပွားရေးဇုန်အတွင်း ဥပဒေမဲ့၊ အကြောင်းကြားခြင်း မရှိဘဲ ဝင်ရောက်ငါးဖမ်းနေသည့် တရုတ်ငါးဖမ်းစက်လှေများကို တွေ့နေမြင်နေရသည်။
တရုတ်၏ ဝေးကွာအရပ် ငါးဖမ်းလှေများ DWF များသည် ခန့်မှန်းအားဖြင့် ၂,၇၀၀ ခန့် ရှိနေပြီး တားမြစ်ထားသော မျိုးစိတ်များကို ပစ်မှတ်ထားကာ သဘာဝပတ်ဝန်းကျင် ပျက်စီးမှုများအတွက် နာမည်ဆိုး ထွက်နေတော့သည်။
(မိုးသဲ ဘာသာပြန်သည်။)
