008
(မဇ္ဈိမ)။ ။ပဲခူးမြို့၊ ဝင်းနိမ္မိတာရုံဆရာတော်ကို စစ်ကောင်စီတပ်ကပစ်သတ်ခဲ့မှု သည်းခံစရာအကြောင်းမရှိ ဟု စစ်ကိုင်းတိုင်း၊ မြောင်မြို့နယ်ရှိ ပညာရေးကျောင်းပေါင်း ၃၀ ကျော်မှ ဆရာ၊ ဆရာမများက ဇွန်လ ၂၄ ရက် နံနက် ၉ နာရီခန့်တွင် ဆန္ဒပြခဲ့ကြသည်။
ဝင်းနိမ္မိတာရုံဆရာတော်ကို စစ်ကောင်စီတပ်ကပစ်ခတ်သတ်ဖြတ်ခဲ့မှုအပေါ် သီတဂူဆရာတော်က သည်း ခံကြရန်၊ ခွင့်လွှတ်ကြရန်နှင့် မေ့ပစ်ကြရန် မိန့်ကြားခဲ့သည့်အတွက် ကျူးလွန်ခဲ့သူ စစ်ကောင်စီတပ်၊ ကာ ကွယ်သူ သီတဂူဆရာတော်တို့ကို ဆန္ဒပြရခြင်းဖြစ်သည်ဟု ဆရာမတဦးကဆိုသည်။
![](https://bur.mizzima.com/wp-content/uploads/2024/06/signal-2024-06-24-125909_002.jpg)
“ကျွန်မတို့မြို့နယ်ထဲက ကျောင်းပေါင်း ၃၀ ကျော်က ပ/ဒု တာဝန်ခံ ဆရာ၊ ဆရာမတွေ ဦးဆောင်းပြီး ဆန္ဒ ပြကြတယ်။ သီတဂူက သည်းခံ၊ ခွင့်လွှတ်ခိုင်းတယ်။ ဒါကိုမကျေနပ်ဘူး။ စစ်ကောင်စီ ပစ်သတ်လိုက်တာ သာမာန်ဆရာတော်မဟုတ်ဘူး။ ဒါက အားလုံးသိတယ်။ စစ်တပ်ကို ဝန်ချမခိုင်းဘဲ ပြည်သူနဲ့ တပည့် ဒကာ၊ ဒကာမတွေကို သည်းခံဖို့၊ ခွင့်လွှတ်ဖို့ပြောတာကြီးက ပြည်သူတရပ်လုံး၊ သံဃာထုအားလုံးက မကျေနပ် ကြဘူး” ဟု ဆရာမတဦးကပြောသည်။
![](https://bur.mizzima.com/wp-content/uploads/2024/06/signal-2024-06-24-125909_003.jpg)
ဝင်းနိမ္မိတာရုံဆရာတော် ပစ်သတ်ခံရမှုနှင့်ပတ်သက်၍ ချောင်းဦးမြို့ရှိ ဆရာတော်၊ သံဃာတော်များက ဇွန်လ ၂၃ ရက်နေ့တွင် စစ်ကောင်စီကို ပတ္တနိက္ကုဇ္ဇနကံဆောင်သပိတ် စတင်လိုက်ကြောင်း ကြေညာထား သည်။
စာတည်း။ ။စောဖေ