ပုံအညွှန်း- စုံညီပွဲတော်အတွင်း ကျောင်းသား၊ ကျောင်းသူများ၊ ပုံ- လွှမ်းမိုး
လွှမ်းမိုး
(မဇ္စျိမ) ။ ။ စစ်ကိုင်းတိုင်း၊ကနီမြို့နယ်မှ အမျိုးသားညီညွတ်ရေးအစိုးရ(NUG)၏ ကြားကာလပညာသင်ကြားရေးစာသင်ကျောင်းတကျောင်းတွင် ယနေ့ ဇန်နဝါရီ ၃၁ ရက်နံနက်ပိုင်းက ပညာရေးစုံညီပွဲကျင်းပခဲ့သည်။
အဆိုပါ စာသင်ကျောင်းတွင် KG တန်းမှ အထက်တန်းအထိ ကျောင်းသား၊ကျောင်းသူဦးရေ ၃၅၀ ခန့်ရှိပြီး CDM ဆရာ၊ဆရာမ ၃၂ ဦးက စာ သင်ကြားပေးနေကြောင်း သိရသည်။
ယနေ့ကျင်းပသည့် ပညာရေးစုံညီပွဲတွင် ဆုရကျောင်းသား၊ကျောင်းသူများကို ဆုချီးမြှင့်ခြင်းနှင့် ပွဲတက်ဧည့်သည်များကို ကျောင်းသူ ၊ ကျောင်းသားများက ဧည့်ခံဖျော်ဖြေရေးအစီအစဉ်များလည်း ပါဝင်သည်။
ကနီမြို့နယ်တွင် ပြည်သူ့အခြေပြုစာသင်ကျောင်း ၁၆၀ ခန့်ရှိပြီး ကျောင်းသား ၊ ကျောင်းသူဦးရေ ၂၅,၀၀၀ ခန့်နှင့် ဆရာ၊ ဆရာမ ၂,၅၀၀ ခန့်ရှိကြောင်း ကနီမြို့နယ်ပညာရေးဘုတ်အဖွဲ့ထံမှ သိရသည်။
ပညာရေးစုံညီပွဲကို ကျောင်းများအားလုံး၌ ပြုလုပ်နိုင်ခြင်းမရှိဘဲ လုံခြုံရေးအခြေအနေစိတ်ချရသည့်ရွာများမှ ကျောင်းအချို့သာ ပြုလုပ်ခြင်းဟု ကနီမြို့မှကျောင်းဆရာမတဦးကပြောသည်။
ကနီမြို့နယ်သည် စစ်အာဏာရှင်တော်လှန်ဆန့်ကျင်ရေးတွင်ထင်ရှားပြီး အမျိုးသားညီညွတ်ရေးအစိုးရ၏ ပြည်သူ့အုပ်ချုပ်ရေးအဖွဲ့၊ ပြည်သူ့ကာကွယ်ရေးအဖွဲ့၊ ပြည်သူ့လုံခြုံရေးအဖွဲ့များက ဒေသတွင်းအုပ်ချုပ်ရေး၊ ပညာရေး၊ ကျန်းမာရေးစသည်တို့ကို ဝိုင်းဝန်းအကောင်အထည်ဖော်နေကြသည်။
![ပုံအညွှန်း- စုံညီပွဲတော်အတွင်း ကျောင်းသား၊ ကျောင်းသူများ၊ ပုံ- လွှမ်းမိုး](https://bur.mizzima.com/wp-content/uploads/2024/01/signal-2024-01-31-172516_003.jpg)
![ပုံအညွှန်း- စုံညီပွဲတော်အတွင်း ကျောင်းသား၊ ကျောင်းသူများ၊ ပုံ- လွှမ်းမိုး](https://bur.mizzima.com/wp-content/uploads/2024/01/signal-2024-01-31-172516_004.jpg)
![ပုံအညွှန်း- စုံညီပွဲတော်အတွင်း ကျောင်းသား၊ ကျောင်းသူများ၊ ပုံ- လွှမ်းမိုး](https://bur.mizzima.com/wp-content/uploads/2024/01/signal-2024-01-31-172516_005.jpg)
စာတည်း-အေးချမ်း