“ကျမတို့ သီချင်းတွေလုပ်နေတယ်ဆိုတာ ၊ ပျော်လွန်းလို့ ကြိုက်လွန်းလို့လုပ်နေတာ မဟုတ်ဘူး၊ ဒီဆော့(ဖ်) ပါဝါဖြစ်တဲ့ သီချင်းတွေနဲ့ လူတွေရဲ့နှလုံးသားကို ပြောင်းလဲမယ်ဆိုတာ ယုံကြည်တယ် ၊ ကျမတို့ ဖြစ်ပျက်နေတာကို နိုင်ငံတကာက သိစေချင်တယ်”
(မဇ္ဈိမ) ။ ။ မြန်မာနိုင်ငံအရေးနဲ့ မဏိပူရပြည်နယ်အတွင်း ဖြစ်ပွားခဲ့တဲ့ လူမျိုးရေး ပြဿနာတွေကို နိုင်ငံတကာက ပိုမိုသိရှိလာစေဖို့ ရည်ရွယ်ပြီး မိုက်ကယ်ဂျက်ဆင်ရဲ့ နာမည်ကျော် Heal the World သီချင်းကို ပြန်လည်သီဆိုကာ Chinlung Chhuak Artist က ဖေဖော်ဝါရီလ ၄ ရက်နေ့မှာ အွန်လိုင်းမှာ ထုတ်လွှင့်ခဲ့ပါတယ်။
အဲဒီသီချင်းကို အိန္ဒိယနိုင်ငံ မီဇိုလူမျိုးနဲ့ ပြည်တွင်း၊ ပြည်ပရောက် ချင်းလူမျိုး အဆိုတော် ၁၈ ဦးက ပါဝင်သီဆိုထားတာ ဖြစ်ပါတယ်။
ဒီသီချင်းဟာ Chinlung Chhuak Artist ရဲ့ ဒုတိယမြောက် စီစဥ်မှုဖြစ်ပြီး မနှစ်ကတော့ မိုက်ကယ်ဂျက်ဆင်ရဲ့ နောက်ထပ်သီချင်းတအပုဒ်ဖြစ်တဲ့ We Are World ကို ထုတ်လွှင့် ခဲ့ပါတယ်။ ကမ္ဘာတလွှားကြည့်ရှုသူ ငါးသန်းနီးပါး ရှိခဲ့ပါတယ်။
အခု Heal the World သီချင်းကို ပြန်ဆိုရတဲ့ ရည်ရွယ်ချက် ၊ သီချင်းဖြစ်မြောက်စေဖို့ ဆောင်ရွက်ခဲ့ရတဲ့ အခြေအနေနဲ့ အခက်အခဲတွေကို Chinlung Chhuak Artist က စီမံခန့်ခွဲ့မှုတာဝန်ရှိသူ Dadeo Car ကို မဇ္စျိမ က ဆက်သွယ်မေးမြန်းထားပါတယ်။
မေးမြန်း- ပါခွီး
တည်းဖြတ်- သန့်ဇင်
