ပါခွီး
(မဇ္စျိမ)။ ။မကွေးတိုင်း၊ စလင်းမြို့နယ်၊ ငလှိုင်တွင်းကျေးရွာအနီးတွင် တပ်စွဲထားသော စစ်ကောင်စီတပ်သား များ စခန်းကိုစွန့်ခွာထွက်ပြေးသွားကြောင်း အမှတ်(၁)စစ်ဒေသ မကွေးတိုင်းကွပ်ကဲရေးရုံးက ယနေ့ (မေ လ ၂၁ ရက်) ထုတ်ပြန်သည်။
ငလှိုင်တွင်းကျေးရွာအနီးတွင် အင်အား ၄၀ ခန့်ဖြင့် တပ်စွဲထားသည့် စစ်ကောင်စီတပ်သားများသည် မေလ ၈ ရက်နေ့က ဆုတ်ခွာသွားခဲ့ခြင်းဖြစ်ပြီး မေလ ၉ ရက်နေ့တွင် ကာကွယ်ရေးတပ်ဖွဲ့များက ဝင်ရောက် ရှင်း လင်းခဲ့ခြင်းဖြစ်သည်။
“အဓိကတော့ လာတိုက်မှာစိုးရိမ်လို့ပါ။ စခန်းလက်လွှတ်ရတဲ့အခြေအနေရှိတဲ့အတွက် ဆုတ်ခွာသွားတာ” ဟု အမှတ်(၁)စစ်ဒေသ မကွေးတိုင်းကွပ်ကဲရေးရုံး တာဝန်ရှိသူတဦးက မဇ္စျိမကိုပြောသည်။
စခန်းကို မင်းဘူးခရိုင် အမှတ်(၁)၊ အမှတ်(၅)တပ်ရင်းများမှ နယ်မြေရှင်းလင်းခဲ့ခြင်းဖြစ်ပြီး စစ်အသုံး အဆောင်ပစ္စည်းများမရှိဘဲ ကျန်ရစ်သမျှကို မီးရှို့ဖျက်ဆီးပစ်ခဲ့သည်ဟု ဆိုသည်။
![](https://bur.mizzima.com/wp-content/uploads/2024/05/signal-2024-05-21-164955_003.jpg)
![](https://bur.mizzima.com/wp-content/uploads/2024/05/signal-2024-05-21-164955_004.jpg)
![](https://bur.mizzima.com/wp-content/uploads/2024/05/signal-2024-05-21-164955_005.jpg)
![](https://bur.mizzima.com/wp-content/uploads/2024/05/signal-2024-05-21-164955_006.jpg)
စစ်ကောင်စီတပ်သားများသည် စလင်းမြို့နယ်၊ ကံပြားရဲစခန်းသို့ဆုတ်ခွာသွားခဲ့ပြီး အချို့ကိုတိုက်ပွဲပြင်း ထန်နေသည့် ရခိုင်ပြည်နယ်ဘက်သို့ပို့ကြောင်း စစ်ဒေသတာဝန်ရှိ သူကဆက်ပြောသည်။
နယ်မြေရှင်းလင်းရေးပြုလုပ်နေစဥ်အတွင်း လေကြောင်းတိုက်ခိုက်မှုများ မဖြစ်စေရန်အတွက် သတင်း ထုတ်ပြန်မှုကို နောက်ကျမှ အသိပေးရခြင်းဖြစ်ကြောင်း သိရသည်။
စာတည်း။ ။စောဖေ