ဂျူချန်း(မဇ္ဈိမ)။ ။ချင်းတွင်းမြစ်အရှေ့ဘက်ကမ်း ဘုတလင်မြို့နယ်က ကျေးရွာတွေကို စစ်ကောင်စီက ဒီနေ့မနက်အစောပိုင်းမှာ စစ်ကြောင်းထိုးဝင်ရောက်လာလို့ ကျေးရွာခြောက်ရွာကဒေသခံတွေဟာ ဘေးလွတ်ရာကို ထွက်ပြေးခဲ့ကြရပါတယ်။
စစ်ဘေးရှောင်တွေဟာ ချင်းတွင်းမြစ်က်ို စက်လှေတွေနဲ့ဖြတ်ကူးထွက်ပြေးခဲ့ကြရပြီး စက်လှေတစီးဟာ စစ်ကောင်စီတပ်ရဲ့ ပစ်ခတ်မှုကြောင့် တိမ်းမှောက်ခဲ့ပါတယ်။ ရေထဲခုန်ဆင်းပြီး ၀ရုန်းသုန်းကား ကူးခတ်ထွက်ပြေးရသူတွေလည်း ရှိပါတယ်။ ဒါ့အပြင် စစ်ကောင်စီတပ်ဖွဲ့ဝင်တွေဟာ နေအိမ်တွေကို မီးရှို့ဖျက်ဆီးနေသလို ထွက်မပြေးနိုင်ဘဲ ပိတ်မိနေတဲ့ ဒေသခံအချို့ကိုလည်း ဖမ်းဆီးထားတယ်လို့ သတင်းရရှိပါတယ်။
ရိုက်ကူး – သူရ
တင်ဆက်/တည်းဖြတ် – ဂျူချန်း
